Жирэмсэн бүсгүйн унших зөвлөгөөний ном

Жирэмсэн болоод зөндөө асуулт тулгарах бөгөөд хэнээс, хаанаас асуухаа мэдэхгүй хэсэг гайхширдаг. Мэдээж зарим нэг зүйлээ эмчээсээ асууна, ойр тойрны хүн амьтан, онлайн интернэт, ээж ааваасаа гээд асууна. Гэхдээ нэг л цогц мэдлэгтэй болмоор бас санагддаг юм байна лээ.
Нэг өдөр Интерномд иймэрхүү ном хайж явтал саяхан бололтой ном хэвлэгдсэн байсан нь "Тулгар биетэй байх үед юу тулгарах вэ?" ном байлаа.
Үнэ 24,900 (хорин дөрвөн мянга есөн зуун төгрөг).

Уншлаа. Тун боломжийн ном байлаа. Үнэхээр бодож байсан асуултуудад хариултууд өгчээ.
Умай дахь хүүхдийн үе хөгжил бүрийг тайлбарлаж, түүнтэй холбоотойгоор эхийн байдал төлөвийг ч нарийн өгүүлжээ.
Ерөнхийд нь гүйлгэж нэг уншаад, дараа нь урд хойноос нь хэрэгтэй эсвэл сонирхсон сэдвээ уншихад бас боломжтой.
Ямартай ч жирэмсэн эмэгтэй, ялангуяа анхлан жирэмсэлсэн бол анхан шатны ойлголтыг хурдтай, цэгцтэй авах боломжтой тун догь ном байна лээ.

 
Сул тал гэвэл, эмэгтэй хүний анатоми бүтэцийг бага харуулж, тайлбарласан нь, анатомийн зураг бага. Гэхдээ орчин үед интернэт байгаа болохоор, анхан шатны мэдлэг дээрээ тулгуурлаад илүү дэлгэрэнгүй мэдээллийг өөрөө хайх боломжтой.