Монгол улс диктатурын засаглалтай болчихсон нь

Өчигдөр юу болоод өнгөрөв өө? Өчигдөржин л ТВ үзэж суув, бусдын адил.
Өөрийнхөө бодлоо бас блогтоо бичмээр санагдлаа.
Би бол аль нэгэн намын гишүүн биш. Угаасаа ухаан орсноосоо хойш, ойрын хорин хоёр жил төрийн албанд их бага хэмжээгээр ажиллаж байсан ямар ч улс төрч, албан тушаалтныг дэмждэггүй. Тэдэнд үзүүлэх симпати байхгүй.
Аа гэхдээ... Намбарын Энхбаяр гэдэг хүнийг яаж эмгэнэлтэй, бусармаг, шившигтэй байдлаар баривчилав аа!
Энэ бүхнээс хараад Монгол бол ДИКТАТУРЫН ОРОН БОЛЧИХСОН юм байна. Энхбаяр элдэв хахууль өгсөн авсан байж болно. Гэхдээ тэр ганцаараа биш бүгд авилга өгсөн авсан/ өгдөг авдаг.
Хамагийн зэвүүцэл төрүүлж байгаа зүйл бол БАРИВЧИЛЖ байгаа АРГА МАЯГ нь.
Эцэстээ бүр хоёр хөлийг нь сарвайлгуулаад өргөөд аваад гардаг байгаа. Үнэхээр л баривчилах гэж байгаа бол ядаж гутлыг нь өмсүүлээд хоёр хөлөөр нь алхуулаад гаргаж болно оо доо.

Зурагт үзээд дараах асуултууддаа хариу олмоор байна. Хамагийн гол нь ТӨР гэж юу вэ, үүрэг роль, хэм хэмжээ, зарчимын талаасаа:

- Монголын хүчний байгууллагуудын хяналт хаана байна вэ?
- Хүчний байгууллагууд ер нь хяналттай байна уу? Хяналт гэдэг доор төрийн хэм хэмжээний хяналтыг ойлгож байна л даа.
-Хүчний байгууллагыг хянаж байгаа хүмүүс хувийн сонирхолынхоо төлөө хүчний байгууллагуудыг ашиглан, турхирч байна уу?
-Авилгатай тэмцэх газар гэдэг эцэстээ хэн нэгэн, байгууллагын захиалгаар дурын нэгэн этгээдийг барьж хоридог эрхтэй болсон уу? Эцэсийн эцэст Монголын төрд байгаа хүмүүсийн 90 хувь нь авилгат нэвт автагдсан шүү дээ. Хэн нь хэнийгээ барих вэ?
-Авилгатай тэмцэх газар нь юүдэнтэй малгайтай, энгийн хувцастай, халзан бөөн залуучуудаар ажилаа гүйцэлдүүлдэг, захиалгын ажил биелүүлэгч болж байна уу?
-Хүчний байгууллагуудыг хянаж байгаа хүмүүс хэн нэгэн, ямар нэгэн зүйлийн нөлөөнд ороод Монгол улсын, ард иргэдийн эсрэг үйл ажиллагаа явуулбал хэн тэднээс хамгаалж, хэн тэдний үйл ажиллагааг таслан зогсоох вэ?
- Яагаад энэ ажиллагааг ингэж сүрийг бадруулан хийв? Миний хувьд үүний учир шалтгаан  нь иргэдийг айдас хүйдэст автуулснаар тэдний идэвхи зоригийг сулруулаад, тэдний өмнөөс шийдвэрийг гартаа аван өөрсдийн бүрэн хяналтаа тогтоох зорилго байна.
- Бүрэн хяналтаа тогтоохын зорилго? Бүрэн хяналтаа тогтоосноор өөрийн эрх мэдлийг бэхжүүлж зорилготоо хүрэх. Зорилго нь мэдээж эрх мэдэл, мөнгө хөрөнгө, алдар нэр, бусдыг дарамтлан тушааснаар олж авах сэтгэл ханамж, бусдаас өөрийгөө дээдээд тавиж, захирах садист хүсэл. За бүр цаашлаад монгол улсыг зарах, худалдах, устгах, ухамсаргүй арчаагүй дорой харанхуй ... болгох.
Энэ мэтээр эрх мэдэл, хөрөнгө мөнгө, албан тушаалын төлөөх тэмцэл, бодлого зарчимгүй, алсын хараагүй байдал эцэстээ монгол улсыг хаашаа хөтөлж байгаа нь хэнд ч ойлгомжтой байна.