Төрийг шинэчлэн тодорхойлох нь номын зорилго байжээ.

Аавынхаа номын санг онгичоод зогсч байтал хайж буй зүйлээ олчихлоо. Айлаас эрэхээр авдараа уудал.
1990-92 онууд буюу нөгөөдүүлийнхээр 'хувьсгал", Моррис Россабигийнхаар "шинэчлэл" болсон тэр өдрүүдэд хэвлэгдсэн номууд, ухуулгын материал, эдийн засаг санхүүгийн сурах бичгүүдийг судалж байгаа юм.
1990 онд хэвлэгдсэн "Бүгдээрээ хэлэлцвэл" 40 хуудас номыг Монголын социал демократ нам эрхлэн гаргажээ. Монголын социал демократ намыг Баабар үүсгэсэн.

Баабарын тухай Россаби "намыг үндэслэгч нь Баабар...коммунист үеийн нийгмийн сайн сайхны заалтуудыг хэрэгжүүлэхийг хүсдэггүй нэгэн байв" гэж бичжээ.
Бараг 30 жилийн дараа эргээд харахад тухайн үед бичигдсэн зүйлсийг тун сайн ойлгож байна.
Ухуулгын номны 6 нийтлэлийн 5 орчуулга, 1 нийтлэл.
Төрийг шинэчлэн тодорхойлох нь номын зорилго байжээ.
"Задран унах төрийн удирдлагын оронд ...доороос дээш удирдагдах чөлөөт холбооны байгууллагуудыг санал болгожээ".
"Төр...зохицуулагч байх нь зүй", "Улс төрийн амьдрал...тодорхой утгаараа зах зээл боловч ...мөрийтэй тоглоом санагдуулдаг", "яагаад нийгмийн өмч байж болохгүй вэ? - яагаад гэвэл улсын өмчид хүнд суртал идэвхитэй илрэх", "хүнд сурталтан... өөртөө ашигтай давуу байдалд хүрэх явдал" "нийгмийн өмч гэдэг хуурмаг зүйл, социалист өмч нэг буюу хэдхэн хүний засаглалыг төрүүлдэг. Засгийг солиж, өмчийн хэлбэрийг өөрчилсөнөөр" шударга бус ёс, мөлжлөг, дарлагын эсрэг тэмцэнэ гэжээ.
Өнөөдөр юу болох, ямар болохыг тэд шинэчлэгчид/ хувьсгалчид гэгдэх нөхдүүд маш сайн мэдэж байсан. Өнөөдрийн байгаа байдал бол тэдний зорилго байсан нь тухайн үеийн ном зохиол, баримтыг судлах тусам тодорсоор...