Дээр нь ядаж байхад энгийн номхон иргэд бурууг нь ойлгохгүй, тархиа ажиллуулж, номоо судлах эрдэмтэд нь таг дуугүй байх юм. Сая нэг киноны постер харсан чинь ямар эвгүй харагдаж байнаа?? "АЛДРЫН" гээд бөөн гийгүүлэгч. Хэрэв энэ мэтээр буруу бичсээр байвал ирээдүйд "ЛДРЫН" болно. Хүмүүсийн хэлэх дуртай хараал "лалар" сүүлдээ "ллр" болж дуусна.
Дургүй хүрээд аль 10 жилийн өмнө авсан нэг номыг эргэн сөхөн харж уншлаа. Энэ бол гээгдэх эгшигийн дүрэм гээчийг шүүмжилж 1988 онд бяцхаан 4 нүүр шүүмж бичсэн Төмөртогоо гуай ном. Түүний үзэж буйгаар гээж байгаа эдгээр эгшигүүд бол онцгой өндөр ач холбогдолтой үгийн ҮЕ бүтээдэг зүйлс. Балархай буюу заримдаа барагтай сонсогддоггүй эгшигүүд элдэв янзын дагавар нөхцөл авахаар утга, морфем илэрхийлэх чухал үүрэгтэй болоод эргэн гарч ирдэг гэдэгийг, ҮГ бүтээдэг гэдэгийг хэлсэн байдаг.
Энэ талаар маш нухацтай бодох юм бол эгшиг гээж бичиж байгааг эсэргүүцэн болих ёстой юм. Төмөртогоо гуайн бичсэнээр эгшиг гээж бичээд олон жил болвол эцэс сүүлдээ УТСААР, УЦААР гэх мэт өөр утгаа хүртэл ялгаж чадахаа болиж, монгол хэл улам ядуурнаа гэсэн байдаг. Гээж бичнэ гэж дүрэм зохиосон хүмүүс нэг бодолын хэт бардам, юманд их хайнга хандсан, хожимын үр дагаварыг огтоос тооцоолоогүй мэт санагддаг.
Бас өөр нэг асуудал бол тийн ялгалыг заримдаа үгээс нь салгаж бичдэг баймаар байна аа.
Posts
No comments:
Post a Comment