2 танхимтай парламент энэ тэрийг бол ЭРС ЭСЭРГҮҮЦДЭГ.

ФБ гээр саяхан, монгол улсад хоёр танхимтай парламентийн засаглал хэрэгтэй гэсэн бичлэг бүр спонсорлогдсон, Цакербергт мөнгө төлөөд реклам болсон явж байна лээ. Ер нь үе үе 2 танхимтай парламент хэрэгтэй гэх мэт санаа шаардлагагууд их явагддаг. ХАРИН би хоёр танхим энэ тэрийг бол ЭРС ЭСЭРГҮҮЦДЭГ.
МАН, АН, ядуу баян, эр эм, энэ нутаг, тэр нутаг гэж талцаж ядаж байхад, ядаж байхад яр гэгчээр дээд парламент, доод парламент гэж бас хоёр талцаж хэрэлдэх юм гэнээ.
ХОЁР ТАНХИМТАЙ ПАРЛАМЕНТИЙНХАА ҮҮСЭЛ гарвалыг манайхан сайн судалмаар байна. Хаанаас, яагаад, хэн, хэзээ, яаж үүсэв. Алиа салбадай царайлаад бүх юмыг дуурайх хэрэг юу вэ? Авч гээхийн ухаанаар хандмаар байна.

Нэрийг нь л хар л даа: House of Lord (үгчилбэл Ноёны байшин), House of Commons (Нийтийн, эгэл ардын борчуудын байшин) гэсэн үг. Өөрөөр хэлбэл феодалын системийн үлдэгдэл тогтолцоо шүү дээ. Дээр нь мэдээж Crown буюу засаглагч нэмэгдэнэ.
Английн засаглагч/ Crown (хаан гэмээргүй байна) нь мөнгө төгрөг хэрэгтэй болохоороо баян мөнгөтэй ноёдоо эсвэл шашины лам хуврагуудаа дуудаж ярилцдаг байсан нь сүүлдээ House of Lord/Upper house болсон байдаг. Хэдэн зууны дараа тосгоноос татвар авахын тулд морьтон цэрэг, энгийн иргэдийг бас дуудаж авчирдаг болсон нь House of commons буюу Борчууд, эгэл ардын парламент болсон байдаг. (Ямар сайндаа английн шорон нь хүртэл хоёр танхимтай байх вэ дээ хаха)
Хоёр парламент, хоёр танхимтай газарууд гэвэл Английн колони байсан улсуудад ихэвчлэн байна (Канад, Австрали, АНУ, Энэтхэг г.м.).
Бусадын хоцрогдсон, хуваагдсан, талцсан систем бидэнд хэрэггүй. Цөөхөн бидний монголчуудад БҮГДЭЭРЭЭ ХЭЛЭЛЦВЭЛ БУРУУГҮЙ буюу нас хүйс, угсаа гарвал, ажил мэргэжил, хөрөнгө мөнгө хамааралгүй тоонот гэртээ тойрч суугаад хэлэлцдэг нэгдмэл нэг хурал л байхад хангалттай.