Үзүүштэй вэб: The Selby - уран бүтээлчидийн гэрт морилоё

The Selby - is in your place.
Бүтээлч сэтгэлгээтэй, уран бүтээлч, авъяаслаг дээр нь хүний мөс сайтай хүмүүст би өөрийн эрхгүй татагддаг. The SELBY блогийн тусламжтайгаар бид дэлхийн өнцөг булан бүрт суугаа олон салбарын бүтээлч сэтгэлгээтэнүүдийн гэрт зочилох боломжтой болсон юм (тэдгээр хүмүүсийг биечлэн танихгүй болохоор хүний мөснийх нь талаар мэдэх зүйл алга).
Энэ блогруу орж үзэхийг санал болгож байна!
Бидний гэр орон = бидний ҮҮР.
Гэртээ тааваараа, дур зоргоороо, хайртай дуртай хүмүүстэйгээ амьдрах шиг жаргал хаана байх билээ.
Уг блогийн залуу Todd Selby зочилсон айлынхаа эзэдээс хэд гурван асуултанд хариу авдаг.
Эд хогшил, ор дэр, хувцас хунар, элдэв нарийн деталь гээд тухайн айлын, гэрийн, албан тасалгааны өнцөг булан бүр дэх сонин содон, сайхан зүйлсийг бидэнд харуулдаг.
Олон хүмүүсийн амьдралын янзан бүрийн хэв маягийг харах үнэхээр сонирхолтой. Зарим нь гэртээ амьдардаг юм болов уу гэмээр, нөгөө хэсэг хүмүүс нь гэрээсээ толгой цухуйлгаагүй өн олон жил болсон бололтой гэмээр. Хүн бүрийн ертөнцийг харах үзэлийг орон байраас нь бага зэрэг мэдэж болмоор мэт. Блогийн зураг хөрөг надад үнэхээр таалагдаж байна. Нэг л дулаан мэдрэмж төрүүлнэ.
За элдэв олон үгээр зовоогоод яахав.
Өөрсөдөө ороод үзнэ биз. Аан мартах дөхлөө. 4 сарын нэгэнээс уг блогийн залуус өөрсөдийн зочилсон айлуудын зурагаа эмхтгэн ном гаргаж байгаа юм шиг байна.
Ийшээ http://www.theselby.com/